२०८३ कार्तिक १३, शुक्रवार ११:१४
चार दिनसम्म लगातार बढेको सुनको भाउ आज घटेको छ।
सुनको भाउ आज तोलामा ३ हजार २ सय रुपैयाँ घटेर २ लाख ८० हजार ३ सयमा झरेको नेपाल सुनचाँदी व्यवसायी महासंघले जनाएको छ। सुनको भाउ बिहीबार तोलामा ३ सय रुपैयाँ बढेर २ लाख ८३ हजार ५ सय पुगेको थियो।
चार दिनमा ५ हजार रुपैयाँ बढेको सुनको भाउ आज घटेको हो।
त्यसैगरी आज चाँदीको भाउ पनि घटेको छ। चाँदीको भाउ आज तोलामा १०५ रुपैयाँ घटेर ३ हजार ८ सय २५ रुपैयाँमा झरेको महासंघले जनाएको छ। हिजो चाँदीको भाउ ३ हजार ९ सय ३० रुपैयाँ थियो।
